manisha tomer's blog

Dedicated to the sweet and naughty child living in everyone’s heart……Happy Children’s Day 🙂

Man mein ik nanha sa bachcha-

Kuchh na seekhta, kuchh bhi na padhta

Jab jee chahe daud lagaata,

Nahin maanta, nahin maanta!

Samajhdaari ka paath padhaya,

Badappan ne bhi daaman phailaya,

Jeevan-mrityu ne uljhaaya,

Par wo chanchal chhota-sa bachcha-

Nahin hai sunta, nahin hai sunta!

Aaina samay ka use dikhaya,

Dukh-sukh ne bhi jaal bichhaya,

Duniyadaari ka dar dikhlaya,

Aur nateeja sirf sifar hai!

Us par to naa koi asar hai!

Uske sapneele nainon mein-

Sunder sapnon ka ik ghar hai

Weh dheethh, nanha-sa bachcha

Ithlaata, bal khaata, machalta,

Sab sapne apne hi samajhta-

Nahin hai rukta, nahin hai jhukta!

                                                                  Mani 🙂