Ishwar ne tujhe rachna ke liye racha,
Sansaar ka har jeev tujhmein hi basa-
Kya tu abla aur bechaari hai?
Nahin, tu naari hai!
Dharti jaisi tu, sab sukh-dukh bheetar samaaye
Kasht paakar bhi tu hi hai jo sada muskaaye;
Kya tu bebasi aur dukh ki maari hai?
Nahin, tu naari hai!
Tu hi to lajja ki laali hai,
Saamne anyay ke tu Kaali hai!
Kya tu is jeevan ke sangharsh se haari hai?
Nahin tu naari hai!
‘Mani’
Posted in My poems and write-ups ( Dil Se...) | Leave a Comment »
Posted in my renditions, patriotic | 2 Comments »
Shaheedon humein kshama karo……
Bharatmaata par tumne sarvasva lutaaya
Paani ki tarah apna lahu bahaaya
Zaalimon ne tumpar kya-kya sitam na dhaaya
Par tumhaari aankhon mein ek aansoo na aaya
Aaj hum hain bahut sharminda
Laga hai har taraf ghotaalon ka hi pulinda
Achchha sochne ko bhi aaj karna padta hai chanda
Yahan hoti hai aaj sachchon ki ninda!
Jab tumne balidaan kiye the-
Kya-kya sapne saja liye the
Tum apni kalpana ke mahaan Bharat ke liye jiye the-
Sab ore jahan manavta ke hi diye the
Aaj swarg mein sheesh tumhaara lajja ke maare utha na hoga
Aazaad Bharat mein aisa bhrashtachaar tumne kabhie socha na hoga
Nirbal par itna atyachaar ghulami mein bhi hua na hoga
Vyavastha ka aisa uphaas pehle kabhie uda na hoga
Tum mein se koi Hindu, Muslim, Sikh na tha
Tumhaare hriday mein balidaan ke siva kuchh raha na tha
Tumhaare samay mein Maata ka bantwaara hua na tha
Aisa swarajya tumne swapn mein bhi socha na tha
Aaj chaaron ore sampradaayikta ke shole bhadakte hain
Saare neta dharm ke tave par swaarth ki rotiyaan senkte hain
Insaaniyat ko sab apne paanv ki thokron mein phenkte hain
Aur kya kahun?-hum to tumse kshama maangne yogya bhi nahin rahe hain
Kintu phir bhi…….
“Shaheedon humein kshama karo!”
Mani (25th November 1990)
Posted in #Incredible India, My poems and write-ups ( Dil Se...) | Leave a Comment »
Sardi ne jabse pehni hai,
Ghane kohre ki wardi,
Sabhie mujrim se ban baithe –
Munh par chhayee hai zardi
Gharon ko bana diya hai jail,
lagi hai tope-jacketon ki relampel,
Bazaar mein niklo-
Har jagah hai 50% sale
Bachchon ko ye kyun lagti nahin jaane???
Unhein to abhi hi jaana hai patang udaane!!!
Aur mein baithi hun na yahin-
Pitaji ki daant khaane!!!!
Chhote ne to bilkul hi hai kiya gazab!
“Mamma, munh se dhuan nikalo!” farmaish hai ye ajab
Din-raat khush use karne mein-
Pichka gubbara ban gayi hun ab! (Bachaao!!!)
Mumbai, Goa ki photo koi na dikhaana,
Mere jame hue dil par aur barf na barsaana,
Tumhein Bhagwaan ka vaasta-
Aisa sitam na dhaana!
Nahin dekha kabhie aisa thaanedaar bedardi,
“Haye re sardi!” “Haye re sardi!”
Sardi ne jabse pehni hai-
Ghane kohre ki Wardi ЁЯЩВ
“Mani”
Posted in My poems and write-ups ( Dil Se...) | Leave a Comment »
manisha tomer's blog 